Rais wa Rwanda,Paul Kagame
WAKATI anaingia madarakani Machi 24, 2000 kama Rais wa Rwanda, Paul Kagame alitoa ahadi kadhaa kusaidia kukuza uchumi.
Akionekana kufuata misingi ya utawala bora na kujali maisha ya wananchi wake, ahadi nyingi hivi sasa zinatekelezwa kwa vitendo.
Akionekana kufuata misingi ya utawala bora na kujali maisha ya wananchi wake, ahadi nyingi hivi sasa zinatekelezwa kwa vitendo.
Maisha baada ya vita
Chini ya miaka kumi na tano baada ya mauaji ya kimbari yaliyoangamiza watu wengi, miundombinu na hali ya kijamii na uchumi nchini humo, hivi sasa Rwanda inaonekana kuja kuwa makao makuu ya Teknolojia ya Habari na Mawasiliano (Tehama) kwa nchi za Ukanda wa Kusini mwa Jangwa la Sahara.
Chini ya miaka kumi na tano baada ya mauaji ya kimbari yaliyoangamiza watu wengi, miundombinu na hali ya kijamii na uchumi nchini humo, hivi sasa Rwanda inaonekana kuja kuwa makao makuu ya Teknolojia ya Habari na Mawasiliano (Tehama) kwa nchi za Ukanda wa Kusini mwa Jangwa la Sahara.
Wachambuzi wa mambo wanasema pongezi ziiendee
mipango mizuri ya Serikali ya kuendeleza miundombinu ya mawasiliano
nchini humo, ikiwa ni pamoja na simu za mikononi na mitandao ya ‘ Fibre
optic na PC.
Ikiwa imepewa jina la namba moja kwa Tehama kwa
nchi za Afrika Mashariki na Shirika la Biashara na Maendeleo la Umoja
wa Mataifa (UNCTAD), Rwanda imefaidika kutokana na vitega uchumi
vinavyolenga Tehama kutoka kwa kampuni kubwa za kimataifa kama vile
Microsoft, Nokia na Terracom.
Bajeti ya Tehama ya taifa hilo kwa sasa, iko
sambamba na viwango vya Shirika la Ushirikiano wa Kiuchumi na Maendeleo
(OECD), ambalo linaundwa na mataifa tajiri 30, kwa asilimia 1.6, juu ya
wastani wa Afrika kwa mbali.
Ikiwa imekabiliwa na uchumi uliozorota, mwaka 2000
Rwanda ilizindua “Dira yake ya mwaka 2020” ili kujenga na kufufua
kikamilifu uchumi wa Rwanda, kwa lengo la kuwa na hadhi ya taifa lenye
uchumi wa kati ifikapo mwaka 2020.
Dira ya 2020
Wakati mkakati wa Dira ya 2020 unaangalia kilimo, viwanda, na masuala ya kijamii, ukosefu wa bandari, bei za juu za nauli za ndege na kukosekana kwa utulivu, kumeifanya Serikali ya Rwanda kuwekeza katika uchumi uliojikita kwenye ICT kama msingi mkuu.
Wakati mkakati wa Dira ya 2020 unaangalia kilimo, viwanda, na masuala ya kijamii, ukosefu wa bandari, bei za juu za nauli za ndege na kukosekana kwa utulivu, kumeifanya Serikali ya Rwanda kuwekeza katika uchumi uliojikita kwenye ICT kama msingi mkuu.
Ikiwa imezindua programu ya utafiti wa kisayansi
na elimu, teknolojia na ugunduzi na usambazaji wa mawasiliano, Dira ya
2020 ina lengo la kutoa wanasayansi wenye elimu kubwa na mafundi ili
kutimiza haja ya uchumi wa kitaifa, ambao utaingizwa katika mkakati
mkuu wa maendeleo ya kiuchumi na kijamii kwa ajili ya wakazi wa Rwanda.
Serikali za nchi wahisani nazo zimejiingiza pia
kwenye behewa la Tehama. Ni mwezi uliopita tu, Idara ya Maendeleo ya
Kimataifa ya Uingereza (DFID) ilitangaza ingezindua mradi wa thamani ya
pauni 700,000 (dola milioni 1.4) kwa kushirikiana na Serikali ya Rwanda
na Benki ya Dunia ,kwa lengo la kufanya ugunduzi katika sayansi na
teknolojia na ukuaji wa kiuchumi katika nchi hiyo.
Mtandao wa Maendeleo ya Rwanda, njia ya mtandao ya
sekta ya maendeleo ya Rwanda, inaona Tehama kama dirisha la fursa
kufikia hatua ya maendeleo ya viwanda na kubadili uchumi kuwa wa
kihabari na maarifa, ili kuweza kukabiliana kikamilifu na changamoto za
maendeleo nchini humo, na wakati huo huo ikitumia fursa mpya za
kiuchumi na kijamii.
Askari 25 waliopokonywa silaha zao, kwa mfano,
walipewa vyeti vya ufundi wa kompyuta mwaka 2006 na asasi yenye makao
yake mjini Washington DC ya ‘Development Gateway Foundation’.
“Lengo la mafunzo hayo lilikuwa kusaidia kuwafanya
askari waliokuwa jeshini kupata kazi za ufundi wa Tehama. Baadhi
wameshaanza kushirikiana na kampuni za kutengeneza kompyuta,” anasema
Meneja Mradi wa kituo cha mafunzo ya Tehama cha Kanda (RITC) mjini
Kigali, Jerome Gasana. Source:MWANANCHI
